സോള്‍വന്‍സി
5 ലക്ഷം രൂപയില്‍ താഴെ (വില്ലേജ് ഓഫീസര്‍ക്ക് അനുവദിക്കാം) നിശ്ചിതഫോറത്തില്‍ 5 രൂപ കോര്‍ട്ട് ഫീസ്റ്റാംപ് പതിപ്പിച്ച് , 50 രൂപയുടെ മുദ്രപത്രം സഹിതം വില്ലേജ് ഓഫീസര്‍ക്ക് അപേക്ഷ സമര്‍പ്പിക്കാം. തെളിവിനുള്ള അസ്സല്‍പ്രമാണങ്ങള്‍, കരം തീര്‍ത്ത രശീതി , 12 വര്‍ഷത്തെ കുടിക്കട സര്‍ട്ടിഫിക്കറ്റ് എന്നിവ ഹാജരാക്കണം. വില്ലേജ് ഓഫീസര്‍ ടി സ്ഥലത്തിന് 2 കീ.മീ ചുറ്റളവില്‍ സമവും, സമാനവുമായ ഭൂമികള്‍, 3 വര്‍ഷത്തിനുള്ളല്‍ കൈമാറ്റം നടന്നിട്ടുള്ള 10 പ്രമാണങ്ങള്‍ പരിശോധിച്ച് വില നിശ്ചയിച്ച് സര്‍ട്ടിഫിക്കറ്റ് അനുവദിക്കുന്നു. പ്രമാണങ്ങളില്‍ കാണിച്ച വിലയാണ് ആധാരമായി എടുക്കുക. 5 ലക്ഷത്തില്‍ കൂടുതലുള്ള സോള്‍വന്‍സി സര്‍ട്ടിഫിക്കറ്റ് തഹസില്‍ദാര്‍ വില്ലേജ് ഓഫീസറുടെ റിപ്പോര്‍ട്ടിന്റെ അടിസ്ഥാനത്തില്‍ അനുവദിക്കുന്നു.